உலக செய்திகள்
- ஸ்டீபன் ஹாக்கின்ஸின் கடைசிப் புத்தகமான “பெரு வினாக்களுக்கான சிறு விடைகள்” (Brief Answers to the Big Questions) என்ற புத்தகம் அவரது இறப்பிற்கு பின் சமீபத்தில் வெளியிடப்பட்டுள்ளது.
இந்திய செய்திகள்
- மத்திய கிராமப்புற மேம்பாட்டு அமைச்சகத்தின் கீழ் இயங்கும் தீன்தயாள் அந்தியோதயா திட்டம் – தேசிய கிராமப்புற வாழ்வாதார திட்டம் (DAY – NRLM/Deendayal Antyodaya Yojana – National Rural Livelihood Mission) ஆனது லேடி இர்வின் கல்லூரியுடன் “ரோஷினி” (Roshni) அமைப்பை அமைப்பதற்காக புரிந்துணர்வு ஒப்பந்தத்தில் கையெழுத்திட்டுள்ளது.
- வரும் அக்டோபர் 26 அன்று மேகாலயாவில் “நீலப்புரட்சி : ஒருங்கிணைந்த அபிவிருத்தி மற்றும் மீன்வள மேலாண்மை” (Blue Revolution) எனும் முதன்மை திட்டம் தொடங்கப்படவுள்ளது.
- இந்தியா மற்றும் ஜப்பான் நாடுகளுக்கிடையேயான ‘தர்ம கார்டியன்’ (Dharma Guardian) என்ற முதல் கூட்டு இராணுவப் பயிற்சி 2018 நவம்பர் 1 முதல் 14 வரை மிசோரமின் வைரங்பேயில் நடைபெறவுள்ளது.
- திருச்சி மாநகராட்சியானது பொலிவுறு நகரங்கள் திட்டத்தின் கீழ் (Smart City Mission) சூரிய ஒளியிருந்து மின்சாரத்தைத் தயாரிப்பதற்கான 5 மெகாவாட் திறன் கொண்ட சூரிய ஒளிப்பூங்கா நிறுவுவதற்காக (Solar Park) தொழில் நுட்ப மற்றும் நிர்வாக தரப்பு ஒப்புதல்களை பெறவிருக்கின்றது.
- இந்தியாவின் மிக உயர்ந்த மூவர்ணக் கொடியை மும்பையில் உள்ள புகழ்பெற்ற மெஜஸ்டிக் ஹஜ் மாளிகையின் மேல்தளத்தில் மத்திய சிறுபாண்மை நல அமைச்சர் முக்தார் அப்பாஸ் நக்வி ஏற்றி வைத்தார்.
விளையாட்டு செய்திகள்
- டென்மார்க்கின்-ஒடென்சி நகரில் நடைபெற்ற டென்மார்க் ஓபன் சர்வதேச பேட்மிண்டன் போட்டியில் இந்தியாவின் சாய்னா நேவால் இரண்டாம் இடம் பிடித்துள்ளார்.