தேசிய செய்திகள்
1. புவிசார் குறியீட்டுப் பதிவுத் துறையானது கொடைக்கானல் மலைப் பூண்டிற்கு புவிசார் குறியீட்டு அடையாளத்தை வழங்கியுள்ளது.
2. முத்தலாக் தடை மசோதா நாடாளுமன்ற மக்களவையை தொடர்ந்து மாநிலங்களவையிலும் நிறைவேறியது.
3. நுகர்வோர் உரிமையை மேலும் வலிமைப்படுத்தும் வகையில் உருவாக்கப்பட்டுள்ள நுகர்வோர் பாதுகாப்பு மசோதா மக்களவையில் நிறைவேற்றப்பட்டது.
4. மத்திய நிதியுதவி பெற்ற பேட்டி பச்சாவ் பேடி பதாவோ திட்டத்தின் கீழ், ஜம்மு-காஷ்மீர் மாவட்ட நிர்வாகம் உதம்பூர், ஜுன் டூ (Jeena Do) என்ற ஹெல்ப்லைனை அறிமுகப்படுத்தியது.
5. மேற்கு வங்க முதல்வர் மம்தா பானர்ஜி, மாநில மக்களைச் சென்றடைய ‘திதி கே போலோ’ (‘Didi Ke Bolo’) உங்கள் சகோதரியிடம் சொல்லுங்கள்) என்ற தனித்துவமான முயற்சியைத் தொடங்கினார்.
6. மேற்கு வங்க மாநிலத்தின் 28-வது ஆளுநராக பாஜக மூத்த தலைவர் ஜெகதீப் தன்கர்(68) பதவியேற்றுள்ளார்.
முக்கிய தினம்
7. மனித கடத்தல் மற்றும் அவர்களின் உரிமைகளை மேம்படுத்துதல் மற்றும் பாதுகாத்தல் ஆகியவற்றால் பாதிக்கப்பட்டவர்களின் நிலைமை குறித்த விழிப்புணர்வை ஏற்படுத்தும் பொருட்டு, ஐ.நா பொதுச் சபை ஜுலை 30-ஐ தனிநபர்கள் கடத்தலுக்கு எதிரான உலக தினமாக நியமித்தது. 2019 ஆம் ஆண்டிற்கான கருப்பொருள் “மனித கடத்தல்: உங்கள் அரசாங்கத்தை நடவடிக்கைக்கு அழைக்கவும்” (Human Trafficking: call your government to action).