உலக செய்திகள்
- இந்தியாவில் இருந்து இலங்கைக்கு இறக்குமதி செய்யப்பட்ட சொகுசு ரயில் “உத்தரதேவி” தனது முதல் பயணத்தைத் தொடங்கியது.
- உலக அளவில் அரசு நிதியில் இயக்கக் கூடிய சிறந்த அறிவியல் ஆராய்ச்சி நிறுவனங்கள் கொண்ட நாடுகளின் பட்டியலில் இந்தியாவானது 9வது இடம் பிடித்துள்ளது.
- மொழிகள் மற்றும் பண்பாடுகள் அழிவதை தடுப்பதற்கான உலகளாவிய கருத்தரங்கம் பிரான்ஸ் நாட்டின் யுனெஸ்கோ அரங்கில் நடைபெற்றது.
தேசிய செய்திகள்
- விடுதலைக்குப் பின் வேலைவாய்ப்பு அளிக்கும் வகையில் திஹார் சிறைக் கைதிகளுக்கு டெல்லி அரசு யோகா கல்வி அளிக்க உள்ளது.
- இந்தியா – தென்னாப்பிரிக்கா இடையே பாதுகாப்பு, வர்த்தகம் உள்ளிட்ட பல்வேறு துறைகளில் ஒத்துழைப்பை மேம்படுத்த “3 ஆண்டு ஒத்துழைப்பு திட்டம்” (3 year strategic programme) செயல்படுத்தப்பட உள்ளது.
- இந்தியாவின் மிக உயரிய விருதான பாரத ரத்னா விருது, 2019ம் ஆண்டில் பிரணாப் முகர்ஜி (முன்னாள் குடியரசுத் தலைவர்), நானாஜி தேஷ்முக் (ஜன சங்க தலைவர்) மற்றும் புபேன் ஹசாரியா (பிரபல இசையமைப்பாளர்) ஆகியோருக்கு வழங்கப்பட்டுள்ளது.
வர்த்தக செய்திகள்
- பொதுத் தேர்தல் குறித்த எதிர்பார்ப்புகளில், நடப்பாண்டின் முதல் அரையாண்டில் இந்தியாவின் பொருளாதார வளர்ச்சி 6 சதவீதமாக குறையும் என ஜப்பானைச் சேர்ந்த தரகு நிறுவனமான நேமுரா தெரிவித்துள்ளது.
விளையாட்டு செய்திகள்
- ஜூனியர் சூப்பர் கிங்ஸ் டி 20 கிரிக்கெட்டில் சென்னையைச் சேர்ந்த செயின்ட் பீட்ஸ் ஆங்கிலோ இந்தியன் மேல்நிலைப் பள்ளி சாம்பியன் பட்டம் வென்றது.
- ஜகார்த்தாவில் நடந்த இந்தோனேஷியா மாஸ்டர்ஸ் பாட்மிண்டன் போட்டியில் மகளிர் ஒற்றையர் பிரிவில் இந்தியாவின் நட்சத்திர வீராங்கனை சாய்னா நேவால் சாம்பியன் பட்டம் வென்றார்.
- இத்தாலியில் நடைபெற்ற சர்வதேச கார் பந்தயத்தில் பிரான்ஸ் நாட்டு வீரர் செபாஸ்டியன் ஓஜிர் வெற்றி பெற்றார்.
- ஆஸ்திரேலியாவின் மெல்போர்ன் நகரில் நடைபெற்ற ஆஸ்திரேலிய கிராண்ட்ஸ்லாம் ஓபன் டென்னீஸ் போட்டியின் ஆடவர் ஒற்றையர் பிரிவில் செர்பியாவின் நோவக் ஜோகோவிச் ஸ்பெயினின் ரபேல் நடாலை வீழ்த்தி சாம்பியன் பட்டம் வென்றுள்ளார்.