உலக செய்திகள்
- மாலத்தீவின் அமைச்சரவையானது 53 நாடுகள் உறுப்பினராக உள்ள காமன்வெல்த் அமைப்பில் மீண்டும் உறுப்பினராக இணைவதற்கு ஒப்புதல் வழங்கியுள்ளது.
தேசிய செய்திகள்
- இந்திய தேர்தல் ஆணையத்தின் தலைமை தேர்தல் ஆணையராக சுனில் அரோராவை ஜனாதிபதி ராம்நாத் கோவிந்த் நியமித்துள்ளார்.
- ஜம்மு – காஷ்மீர் மாநில ஆளுநர் சத்யபால் மாலிக் தலைமையில் நடைபெற்ற மாநில நிர்வாகக் குழு கூட்டத்தில், ஜம்மு – காஷ்மீர் வங்கியை பொதுத்துறை வங்கியாக நிர்வகிக்கும் முன்மொழிவுக்கு ஒப்புதல் அளிக்கப்பட்டது.
- பாகிஸ்தானின் கர்தார்பூர் பகுதியில் சீக்கியர்களின் புனித தலமான குருத்வாரா –விற்கு சீக்கியர்கள் எளிதாக செல்லும் வகையில் பஞ்சாபில் குருதாஸ்பூருக்கும், பாகிஸ்தானின் கர்தார்பூருக்கும் இடையே வழித்தடம் அமைக்க இந்தியா மற்றும் பாகிஸ்தான் முடிவு செய்துள்ளது.
- மகளிர் குழுக்கள் மற்றும் சமூகப் பொருளாதார வளர்ச்சி ஆகியவற்றிற்கு இடையே ஒரு இடைமுகத்தை அளிப்பதன் மூலம் கிராமப்புற பெண்களுக்கு அதிகாரமளிக்க வழி செய்வதற்காக, “சஷாக்ட் மகிளா” என்னும் திட்டத்தை இமாச்சலப் பிரதேச அமைச்சரவை ஒப்புதல் அளித்துள்ளது.
- ஜார்கண்ட் மாநில தலைநகரான ராஞ்சியில், காவல்துறை ஆராய்ச்சி மேம்பாட்டு அமைப்பானது (Bureau of Police Research & Development) ஜார்கண்ட் மாநில காவல்துறையுடன் இணைந்து இரண்டு நாள் மகளிர் காவல்துறைக்கான தேசிய மாநாட்டை (National Conference of women in Police – NCWP) நடத்தியுள்ளது.
விளையாட்டு செய்திகள்
- இந்தியாவின் லக்னோவில் நடைபெற்ற சர்வதேச பேட்மிண்டன் போட்டியில் ஆண்கள் ஒற்றையர் பிரிவில் நடப்பு சாம்பியனான இந்தியாவின் சமீர் வர்மா சீனாவின் லு – குவாங்ஜீவை வென்று சாம்பியன் பட்டம் வென்றுள்ளார்.