உலக செய்திகள்
- கிழக்காசிய கடல் பகுதியில் அமைதியை நிலை நிறுத்த, ஏசியான் நாடுகளுடன் இணைந்து பணியாற்ற இந்தியா தயாராக இருப்பதாக பிரதமர் மோடி தெரிவித்துள்ளார்.
- ஆஸ்திரேலியா குரூப் எனப்படும் அணுசக்தி குழுவில் இந்தியா இணைந்துள்ளது.
- இந்தியா சுற்று சூழல் பாதிப்படைந்த நாடுகளின் பட்டியலில் 117வது இடத்தில் உள்ளது.
- வரி ஏய்ப்பு நாடுகள் என்ற கருப்பு பட்டியலில் இருந்து பனாமா, ஐக்கிய அரபு அமீரகம், துனிசியா, மங்கோலியா, மக்காவ், கிரினடா, பார்படாஸ் உள்ளிட்ட 8 நாடுகளை, ஐரோப்பிய யூனியன் நீக்கியுள்ளது.
- ஆஸ்கர் திரைப்பட விருதில் சிறந்த ஆவணப் படத்துக்கான இயக்குநர் பிரிவில் முதல் முறையாக யான்சி ஃபோர்ட் என்ற திருநங்கை பரிந்துரைக்கப்பட்டுள்ளர்.
- எல்லை தாண்டுவதாக பிடிக்கப்படும் தமிழக மீனவர்களுக்கு 10 லட்சம் ரூபாய் முதல்5 கோடி ரூபாய் வரை அபராதம் விதிக்கும் புதிய சட்ட மசோதா இலங்கை நாடாளுமன்றத்தில் நிறைவேற்றப்பட்டது
தேசிய செய்திகள்
- நாட்டின் அதிவேக காதிமான் எக்ஸ்பிரஸ் ரயிலுக்கு இணையாக மும்பையில் புறநகர் ரயிலை இயக்குவதற்காக கடந்த 6 ஆண்டுகளாக ரெயில்வே செய்த முயற்சி தோல்வியில் முடிந்துள்ளது. இதற்காக செலவு செய்த ரூ.60 கோடியும் வீணாகிப்போனது.
- மஹாராஷ்டிரா மாநிலம், நாசிக்கில் 15 ஆயிரம் மாணவர்கள் கடந்த ஒரு ஆண்டில்46 கோடி சூரிய நமஸ்காரங்கள் செய்து உலக சாதனை படைத்துள்ளனர்.
- நாடு முழுவதும் தேசிய வாக்காளர் தினம் இன்று கொண்டாடப்படும் வேளையில், 18 வயது நிரம்பிய இளைஞர்கள் “தேர்தலில் வாக்களிப்பேன்” என்ற உறுதி மொழியை ஏற்கும் விதத்தில் புதிய வசதியை ஃபேஸ்புக் நிறுவனம் செய்துள்ளது.
- தமிழகத்தில் தஞ்சை - சென்னை விமான வழித்தடம் உட்பட நாடு முழுவதும் 325 புதிய விமான மற்றும் ஹெலிகாப்டர் இயக்க வழித்தடங்களை மத்திய விமான போக்குவரத்து அமைச்சகம் தெரிவித்துள்ளது.
- டெல்லியில் இன்று ஆசியான் மாநாடு தொடங்குகிறது
- 1950, ஜனவரி 24ம் தேதி உத்திரப்பிரதேச மாநிலம் உருவாக்கப்பட்டது. 68 ஆண்டுகளுக்கு பிறகு நேற்று இந்த தினத்தை உத்திரப்பிரதேச அரசு கொண்டாடியது.
- என்ஜினீயரிங் கல்விக்கு புதிய பாடத்திட்டத்தை மத்திய மந்திரி பிரகாஷ் ஜவடேகர் அறிமுகப்படுத்தினார். இதன்படி படிக்கும் காலத்தில் நிறுவனங்களில் 3 மாதம் பயிற்சி பெறுவது கட்டாயம் ஆக்கப்பட்டுள்ளது.
- இந்தோ-திபெத் பாதுகாப்புப் படையினர் 20 ஆண்டுகளுக்கு பின்னர் நாளை நடக்க உள்ள குடியரசு தின அணிவகுப்பில் தங்களது சிறப்பு படைகளுடன் பங்கேற்க உள்ளனர்.
- மத்தியப்பிரதேசத்தில் 1 மற்றும் 2ம் வகுப்பு மாணவர்களுக்கு, மதிப்பெண்களுக்கு பதிலாக ‘ஸ்மைலி’ படங்கள் மூலம் மதிப்பீடு செய்ய திட்டமிடப்பட்டுள்ளது.
வர்த்தக செய்திகள்
- 2017டிசம்பரில் சரக்கு சேவை வரியாக 86ஆயிரத்து 703கோடி ரூபாய் பெறப்பட்டுள்ளதாக மத்திய நிதியமைச்சகம் தெரிவித்துள்ளது.
விளையாட்டு செய்திகள்
- தேசிய கூடைப்பந்து சாம்பியன்ஷிப் போட்டியில் மகளிர் மற்றும் ஆடவர் பிரிவில் தமிழக அணி சாம்பியன் பட்டம் வென்றது
- 400 டி-20 போட்டிகளில் விளையாடிய உலகின் ஒரே கிரிக்கெட் வீரர் - பொல்லார்டு(மேற்கிந்திய தீவுகள்)
- கிரிக்கெட்டின் கடவுள் என்றழைக்கப்படுபவர் - சச்சின் டெண்டுல்கர்
- சர்வதேச போட்டியில் பதக்கம் வென்ற தமிழக வீரர்கள், பயிற்சியாளர்களுக்கு ரூ.2¼ கோடி ஊக்கத்தொகையை முதல் எடப்பாடி பழனிசாமி வழங்கினார்
அறிவியல் மற்றும் தொழில்நுட்பம்
- உலகிலேயே முதல்முறையாக குரங்குகளை குளோனிங் முறையில் உருவாக்கி சீன விஞ்ஞானிகள் சாதனை புரிந்துள்ளனர்.
- உலகின் உயரமான கட்டிடமான புர்ஜ் கலிபாவை விட பெரிய அபாயகரமான விண்கல் ஒன்று இன்னும் 10 நாட்களுக்குள் பூமியின் அருகாமையில் கடந்து செல்ல இருப்பதாக நாசா தெரிவித்துள்ளது
விருதுகள்
- 2018ஆம் ஆண்டுக்கான பத்ம விருதுகள் அறிவிப்பு இசைஞானி இளையராஜாவுக்கு பத்ம விபூஷன் விருது.